Beautiful interlock home :വീട് നിർമ്മിക്കാൻ സാമ്പത്തികമായി ബുദ്ധിമുട്ടുന്ന കുടുംബങ്ങൾക്ക് സർക്കാർ നൽകുന്ന ധനസഹായ പദ്ധതിയാണ് ലൈഫ് മിഷൻ. വസ്തുക്കളുടെ ഇന്നത്തെ വില അടിസ്ഥാനത്തിൽ, സഹായം ലഭിക്കുന്ന തുക വീട് പണി പൂർത്തിയാക്കാൻ മതിയാകില്ലെങ്കിലും, സാധാരണക്കാരെ സംബന്ധിച്ചിടത്തോളം ലൈഫ് മിഷൻ വീട് എന്ന സ്വപ്നം കാണുന്നവർക്ക് ഒരു കൈത്താങ്ങ് തന്നെയാണ്.
എന്നാൽ, ഈ തുക ഫലപ്രദമായി ഉപയോഗിച്ച് ഒരു വീട് പണി എങ്ങനെ പൂർത്തിയാക്കാം എന്ന് പലർക്കും ധാരണയില്ല. ലൈഫ് മിഷൻ പദ്ധതിയിൽ നിന്ന് ലഭിച്ച സഹായം ഉൾപ്പെടുത്തിക്കൊണ്ട് നിർമ്മിച്ച ഒരു വീടിന്റെ വിശേഷങ്ങൾ ആണ് ഇവിടെ പങ്കുവെക്കുന്നത്. 550 സ്ക്വയർ ഫീറ്റ് ആണ് വീടിന്റെ വിസ്തീർണ്ണം. വീട്ടിൽ ഒരു മാസ്റ്റർ ബെഡ്റൂം ഉൾപ്പെടെ രണ്ട് ബെഡ്റൂമുകൾ ഉൾപ്പെടുന്നു. ഇന്റർലോക്ക് കട്ടകൾ ഉപയോഗിച്ചാണ് വീട് നിർമ്മിച്ചിരിക്കുന്നത്.
വീടിന്റെ അകത്തേക്ക് പ്രവേശിക്കുമ്പോൾ, ലിവിങ് സ്പേസും ഡൈനിങ് ഏരിയയും മനോഹരമായി പാർട്ടീഷൻ ചെയ്ത് ഡിസൈൻ ചെയ്തിരിക്കുന്നു. പാർട്ടീഷൻ വാളിൽ ടിവി യൂണിറ്റും സജ്ജീകരിച്ചിരിക്കുന്നു. രണ്ട് ബെഡ്റൂമുകളും ഒരു കോമൺ ടോയ്‌ലറ്റും ആണ് വീട്ടിൽ ഉൾപ്പെടുത്തിയിരിക്കുന്നത്. ലഭ്യമായ സ്പെസിൽ സൗകര്യമുള്ള ഒരു അടുക്കളയും ഡിസൈൻ ചെയ്തിരിക്കുന്നു.
8.25 ലക്ഷം രൂപയാണ് ഈ വീടിന്റെ ആകെ നിർമ്മാണ തുകയായി വന്നിരിക്കുന്നത്. ഇന്റർലോക്ക് കട്ടകൾ ഉപയോഗിച്ചതിനാൽ തന്നെ, സിമന്റ് ഉപയോഗിച്ച് തേക്കേണ്ട ആവശ്യം വന്നിട്ടില്ല. മാത്രമല്ല, വ്യത്യസ്തമായ കളർ കോമ്പിനേഷനുകൾ ചുവരിൽ അപ്ലൈ ചെയ്തപ്പോൾ, അത് വീടിന്റെ ഭംഗി വർദ്ധിപ്പിക്കുകയും ചെയ്തിരിക്കുന്നു. വീടിന്റെ ആകെ ബജറ്റിന്റെ പാതി തുകയോളം ലൈഫ് മിഷനിൽ നിന്ന് ലഭിച്ചതോടെ, ഏകദേശം 4.25 ലക്ഷം രൂപയാണ് ഈ വീടിന്റെ ആകെ നിർമ്മാണത്തിന് ചെലവായി വന്നത്.
Also Read :പോക്കറ്റിൽ ഒതുങ്ങുന്ന കാശിന് ഒരു അടിപൊളി വീട്, 6 സെന്റിലെ ഒറ്റ നില